A música de Denez Abernot, a gaita de Bieito Romero

Tempo atrás publiquei nesta bitácora varias cousiñas relacionadas coa miña participación no II North American Symposium of Galician Studies  organizado pola University of Michigan – Ann Arborno que participei  grazas á responsable do mesmo, a profesora  Cristina Moreiras.

Nunha das miñas intervencións tivo un momento estelar o gran Bieito Romero, líder do grupo Luar na Lubre, interpretando coa súa gaita unha canción doutro amigo, o bretón Denez Abernot.

Cristina Moreiras antes de presentar a Bieito Romero na Universidade de Michigan

Cristina Moreiras antes de presentar a Bieito Romero na Universidade de Michigan

Denez foi cicerone importante e anfitrión xeneroso en varias das viaxes que fixen a Bretaña para escribir o libro “Novos pasos por Bretaña” (Xerais, 2014). Mariño e mariñeiro, colleiteiro de algas, pintor e músico, levando sempre diante a bandeira bretoa, Denez Abernot compuxo una canción titulada “Gwerz ar verzhinerien”, todo un himno dedicado aos colleiteiros de algas do litoral bretón. Esa canción é xa un himno oficioso que se canta a coro en todas as grandes festas nas que hai bretóns.

Con Denez, Plouguerneua, Bretagne

Con Denez, Plouguerneua, Bretagne

O admirado Bieito Romero estivo invitado para falar de música no congreso de Míchigan e, despois de escoitar a Denez cantar o tema dedicado aos goemoniers, colleiteiros de algas, quixo interpretar coa súa gaita una breve versión da mesma no comezo da miña intervención, cando falaba das miñas viaxes aBretaña e do meu libro “Novos pasos por Bretaña”, que o propio Bieito me presentara no seu momento na librería Biblos de Betanzos dos benqueridos amigos Carmela González e Tucho Calvo.

Na casa de Crisitna Moreiras, en Ann Arbor, Michigam, con  Suso de Toro e Bieto Romero escoitando a canción  de Denez Abernot "Gwerz verzhinerien"

Na casa de Crisitna Moreiras, en Ann Arbor, Michigam, con Suso de Toro e Bieto Romero
escoitando a canción de Denez Abernot
“Gwerz verzhinerien”

Aí queda esta pequena montaxe do momento estelar de Bieito Romero en Ann Arbor, Míchigan, tocando una peza do bretón Denez Abernot  da que se fala no libro do galego que subscribe, “Novos pasos por Bretaña“.

Falando cos lectores de "Novos pasos por Bretaña"

Falando cos lectores de “Novos pasos por Bretaña”

Add Comment

Your email address will not be published. Required fields are marked *