Juan Tallón, Marta del Riego e Jacobo Otero

 

 

Martes 21 de abril de 2020, segundo día da semana do libro. Tres novas recomendacións. Escollo libros que non son novidades editoriais, libros que están na miña memoria.

Literatura galega: Juan Tallón. Xornalista e escritor, ten ademais un plus por ter nacido nun lugar chamado Vilardevós, sendo por tanto raioto!!! Hoxe destaco o libro que lle publicara Sotelo Blanco “Fin de poema”. Nesta obra somérxese nas derradeiras horas de catro poetas: Pavese, Sexton, Ferrater e Pizarnick. Un reto que agradece o lector e que invita a repensar a morte.

Unha amiga: Marta del Riego. Outra xornalista, escritora e poeta. Marta sabe tecer unha vida entre o Madrid máis castizo e o seu “noroeste”, a comarca leonesa de La Bañeza. En “Sendero de frío y amor” tece unha tea de araña entre o pasado e o presente de dúas irmás xemelgas, a ausencia da nai e os camiños a lugares “extraviados” da xeografía e da memoria.

Un amigo: Xacobo Otero Moraña. Un compostelán de Ribeira cun maxín desbordante que non lle cabe no corpo. Xacobo vive a aventura e sinte as súas historias como bo fillo dos trhillers norteamericanos que tantos seguidores teñen. Ten varias novelas pero “Operación SIDI” foi a primeira, e nela aparecen todas as súas capacidades para narrar historias trepidantes.

Add Comment

Your email address will not be published. Required fields are marked *